Richard Eyimofe Evans Mofe Damijo (dem bon am on 6 July 1961) wey plenti pipu sabi as RMD, na Naija aktor wey don tey an e stil bi raita, produsa, lorya an im na bifor bifor journalist. Na im bi di bifor bifor Minista of Kolsho for Delta Stet in 2009. In 2005, na im win Afrika Muvie Akademik Awod for Best Aktor insaid Leading Rol. E kolet Lifetime Akchivmet Awod insaid di 12th Afrika Muvie Akademi Awod in 2016.
Dem bon Mofe Damijo insaid Aladja Kommuniti of Udu Kingdom, Delta Stet insaid di South South region of Nigeria. E go Midwest College, Warri an Anglican Grammar Skul an na memba of Drama klob. E go Universiti of Benin to stodi Theatre Arts in 1997 Richard Mofe Damijo stil go skul bak to stodi Lor insaid Universiti of Lagos an e finish in 2004.
Afta e finish for Universiti wit Theatre Arts digre, Mofe Damijo du Ripples, wey dem dey sho for televishon, im bi polis ofisa insaid di fim but plenti pipu sabi am wel wen e du Villian Segun Kadiri insaid Checkmate. Bifor dat taim, e don wok wit Concord Newspaper as raita, an magazines Metro an Quality. Di fest fim wey e uze kolet Awod na Out of Bounds. Insaid 2005, Wen dem dey du Afrika Muvie Akademi Awod, Richard Mofe Damijo win Awod as best aktor for Leading Rol. On 5th January 2017, e host 2017 GLO- CAF Awods wit Naija journalist Mimi Fawaz. On 8th December 2021, e win Awod for Ghana, a Black Star honor insaid Rhymes on Da Runway in Gold coast, Ghana.
