Moshood Abiola

Moshood Abiola

pesin

Man abi wuman	man
Kontri wey e kom from	Naija
Famili nem	Abiola
Wen dem bon am	24 August 1937
Ples wey dem bon am	Abeokuta
Wen e kpai	7 July 1998
Place of death	Abuja
Manner of death	homicide
Pesin wey e mari	Remi Abiola, Kudirat Abiola
Pikin	Dupsy Abiola, Hafsat Abiola
Langwej wey e fit tok, rait abi yuz hand tok	English langwej, Naijá langwej
Wok wey e dey du	politician
Wie e go skul	Baptist Boys’ High School
Party wey e dey for politis	National Council of Nigeria and the Cameroons
Rilijon	Islam

Moshood Kashimawo Olawale GCFR (dey bon am 24 August 1937 an e kpai on 7 July 1998) wey pipo sabi wel wel as M.K.O. Abiola na Naijá biznesman, poblisha, an di politishan in di Yorubaland. Abiola bi di militiri kommanda of di Oyo kindom. Abiola na big pesin wey kom from Egba tribe. M.K.O Abiola wan yuz demokrasi enta as presidet for di 1993 Naija presideta eleshon but Ibrahim Babangida kansu di risot of di eleshon. Ibrahim Babangida dat time bi di militiri presidor of Naija. Babangida tok sey e kansu di eleshon risot bikos magomago an wayo de di eleshon. For 2018, forma presidor of Naija Muhammadu Buhari awod Abiola di rank wey hi pass for Naija, GCFR ( Grand Kommanda of di Fediral Riploblik). Na pesin wey don bi presidor dem dey give GCFR. Buhari still chenj Naija demokrasi day to June 12. Abiola an Ibrahim Babangida bi padi padi an pipo tok sey Abiola even helep Babangida to bikom presidor. Evri korna of Naija na im vote for Abiola. Even difren difren rilijion pipo an some politishan still vote so dat Abiola go fit win di June 12 eleshon. By di time wey Abiola go kpai in 1998, if Naija pipo wan tok abaut demokrasi, Abiola nem dey folo join.

How e tek start life

Na for Abeokuta , Ogun Stet for Naija dey tek bon Abiola on 24 August 1937. E papa nem na Halaji Alao Salawu Adenekan Abiola an e mama nem na Suliat Wuraola Abiola. Abiola papa dey sell Kokoo an e mama dey sell Kola nut Abiola bi di nomba twenty-three pikin wey e papa bon but na onli Abiola no kpai from smol pikin. All di oda pikin-dem wey e papa dey bon jos dey kpai wen dem still dey smol. E oda nem "Kashimawo" mins "Mek we still wait an see wetin go happun"'.

Wen Abiola no gri kpai till e rish 15 years old, e peret kom give am anoda nem wey bi "Moshood".

How e tek go skul

Abiola go Afrika Sentra Skul wey de Abeokuta for e pamari edukeshon. Wen e still smol, Abiola dey helep e papa for di kokoo bizness wey e papa dey do. Afta somtimes, di Kokoo bizness no move again bikos di inspetor tok sey Abiola papa Kokoo no bi orijina Kokoo. Abiola kom start to dey sell fayawood so dat e go fit sopot e famili. Abiola kom start to gada smol smol pikin-dem togeda wen e de 15 years, an dey go sing for parti so dat pipo fit give dem fud to chop. Dis tins wey e dey do mek am fit pay e skul moni for Baptist Boys Hi Skul wey de Abeokuta. For di skul magasin kol Trumpeter Abiola bi di editor an Olusegun Obasanjo bi e deputi editor. Wen Abiola bi 19 years old, e join Nashonal Kansu of Nigeria an di Kameroon. Dat time, Obafemi Awolowo don get one parti kol Action Group.

Naija govamet give Abiola free edukeshon to go stodi for University of Glasgow in 1960. E rid Akantin from di Yunivasiti an Abiola bikom an Akauntant. Abiola leta bikom a graduate of ICAN ( Institute of Chartered Accountants of Nigeria]].

How e tek wok

Abiola start to dey wok for Barclays Bank wey de Ibadan, Naija in 1956 as "bank klark" Afta wen e don wok as bank klark for two years, Abiola komot go join Western Region Finance Corporation as dia ezekutiv akaunt ofisa. Na for dis time, Abiola tek get chans go Scotland to rid more buk for Glasgow Yunivasiti.

Wen Abiola kom bak to Naija, e wok as sinior akauntant at di Yunivasiti of Legos Tishin Hospitu. E komot go anoda kompini kol Plizer. Plizer na one kompini wey de Naija but na US kompini dey kontro am. Abiola komot for Plizer kom join ITT Korpureshon an e leta bikom di vais-presidet of di korpureshon.

How e tek do politis

Abiola tok for February 1993 sey e wan bi presidor of Naija. E yuz SDP tek kampain.

Wen Abiola dey kampain to bi presidet of Naija, E yuz some slogan like "Farewell to poverty", "At last! Our rays of hope" an di "Burden of Schooling". Abiola tok sey e go tok with oyinbo kontri mek dem helep ridus di moni wey Naija wan pay dem bak an sey e go manej di lokal moni wey Naija wan pay too.

• June 12 presidenshial eleshon

For di 12 June 1993 presidenshial eleshon kampain, Abiola pik Baba Gana Kingibe as e vais for di eleshon. For di eleshon Abiola win Bashir Tofa of di National Republican Convention. Meni pipo both for Naija an Oyinbo kontri tok sey di eleshon dey gud an sey no mago mago or ojoro for di eleshon. Abiola even win Kano Stet di stet wey e opponet tek kom from. Na Abiola win Abuja, militiri pollin stashon, an ova twenty-four stet wey de di kontri. For Naija, na pipo wey kom from North meni pass of politis. For Abiola to kom go win dat plenti vote rilis sopris pipo.

Di fact bi sey, forma militiri presidor Ibrahim Babangida kansu di risot of di eleshon. Wetin Babangida do so bring plenti fight-fight an wahala an dis one mek jeneral Sani Abacha fight an kolet pawa to kontro di kontri one year leta. Dis na di risot wey fit bi di one wey Ibrahim Babangida kansu:

State	SDP (Abiola)	NRC (Tofa)		State	SDP (Abiola)	NRC (Tofa)		State	SDP (Abiola)	NRC (Tofa)
Abia	105,273	151,227		Enugu	263,101	284,050		Niger	136,350	221,437
Adamawa	140,875	167,239		Imo	159,350	195,836		Ogun	425,725	59,246
Akwa Ibom	214,787	199,342		Jigawa	138,552	89,836		Ondo	883,024	162,994
Anambra	212,024	159,258		Kaduna	389,713	356,860		Osun	365,266	72,068
Bauchi	339,339	524,836		Kano	169,619	154,809		Oyo	536,011	105,788
Benue	246,830	186,302		Katsina	171,162	271,077		Plateau	417,565	259,394
Borno	153,496	128,684		Kebbi	70,219	144,808		Rivers	370,578	640,973
Cross River	189,303	153,452		Kogi	222,760	265,732		Sokoto	97,726	372,250
Delta	327,277	145,001		Kwara	272,270	80,209		Taraba	101,887	64,001
Edo	205,407	103,572		Lagos	883,965	149,432		Yobe	111,887	64,061
sub-total	2,134,611	1,918,913			2,740,611	1,992,649		Fct	19,968	18,313
									3,465,987	2,040,525
Cumulative									8,341,309	5,952,087

For 1994, Abiola go tok sey na im sopoz bi presidet of Naija wen e de Epetedo aria of Legos. Epetedo na one aria of Legos wey yoruba pipo plenti de. Di fact bi sey, Abiola jos kom bak from oyinbo go get bak-up for di eleshon wey jos hapun. Afta wey Abiola tok sey na e sopoz bi presidor, Jeneral Sani Abacha send 200 polis motor mek yuz harest am. Di risin wey Abacha give bi sey, Abiola dey dis-loya to di kontri an sey e wan skata di kontri. Dey kill Abiola wife Halaja Kudirat Abiola in Legos in 1996 bikos e wan mek pipo sopot e hosband wey de prisin. Na for 4 years Abiola tek de prisin. Nobodi fit kom see am for prisin an na onli Bible, Qur'an de with Abiola. Dey mek suo sey na 14 pipo dey luk am for prisin.

Pope John Paul II , Ark-Bishop Desmond Tutu an meni pipo wey dey fight for human right from all ova di wold beg Naija govamet sey mek dey rilis Abiola. Di fediral govamet tok sey dem go rilis am on one kondishon onli: Mek e no tok abaut di June 12 eleshon again for e life. Di fediral govamet tok sey dem go give am all di moni wey e don loss for di eleshon. Abiola no gree to do dis one an dis one mek am still de prisin. E pain Abiola wel wel wen e hie sey Kofi Annan an Emeka Anyaoku tok sey e don gree to dat kondishon. Di risin wey mek Kofi Annan an Emeka Anyaoku mit Abiola an tok wit am bi sey, Nobodi for di wold go wan lisin to eni eleshon wey don rish five years.

How e tek kpai

E no tey wey Jeneral Abacha kpai, Abiola sef kpai. Na di day wen federal govamet wan rilis Abiola na im Abiola kpai. Abiola kpai for di mitin wey e dey do with Amerika ambasedor Thomas Pickering an Susan Rice for govamet guest house in Abuja. Na Rice give Abiola tea wey e drink bifor e kpai for dat mitin. Wen doktor for Naija, Kanada an UK chek e dead-bodi, dey see sey Abiola get hart-problem sins.