Jump to content

Peter Obi

From Wikipedia
Peter Obi
pesin
Man abi wumanman Chenj-am
Kontri wey e kom fromNaija Chenj-am
Nem for lokal langwejPeter Gregory Obi Chenj-am
Orijina nemPeter Gregory Obi Chenj-am
Fest nemPeter Chenj-am
Famili nemObi Chenj-am
Wen dem bon am19 July 1961 Chenj-am
Ples wey dem bon amOnitsha Chenj-am
Fest langwejIgbo langwej Chenj-am
Langwej wey e fit tok, rait abi yuz hand tokEnglish langwej, Igbo langwej, Naijá langwej Chenj-am
Langwej wey e tek rait di wokEnglish langwej Chenj-am
Wok wey e dey dupolitician, banker, businessperson Chenj-am
Post wey e deyGovernor of Anambra State, Governor of Anambra State, Governor of Anambra State Chenj-am
Party wey e dey for politisPeoples Democratic Party, All Progressives Grand Alliance, Labour Party Chenj-am
Candidacy in election2023 Nigerian presidential election Chenj-am
E pipulIgbo pipul Chenj-am
RilijonCatholicism Chenj-am
Eye kolorbrown Chenj-am
Hair kolorblack hair Chenj-am
Bifor amChris Nwabueze Ngige Chenj-am
Replaced byVirginia Etiaba Chenj-am
Awod wey e koletBill & Melinda Gates Foundation, Order of St. Sylvester, Nigerian Library Association, This Day Chenj-am
Official websitehttps://www.peterobi.org/ Chenj-am
Personal pronounL485 Chenj-am

Peter Gregory Obi (dem bon am for July 19, 1961) na Naija politishian and biznessman. Na Peter Obi bi di vas president kandidet for 2019 Naijá jeneral eleshion onda di People's Democratic Party (PDP). E wan bi di presidor for 2023 Naijá jeneral eleshon. Peter Obi bi di forma gofnor of Anambra Stet fom March 17, 2006 go rish November 2, 2006, wey dem impish am. E kontiniu fom February 9, 2007 go rish May 9, 2007 afta dem kansu e impishment. Even sey dem du fresh eleshion for April 29, 2007, dem stil mek am gofnor afta kot tok sey e sopoz finish e four-year term. For February 6, 2010, e win di gofnor eleshion to bikom di gofnor of the stet for di sekond time. Afta e liv offis for 2014, Obi go to Peoples Democratic Party (PDP) for 2014. For 2019, dey selet am as di vas president for Atiku Abubakar bot dem loss to di preset presidor of Naijá Muhammadu Buhari an vas president Yemi Osinbajo. For 2022, Obi run for president imsef, fest in PDP bot leta move to Labour Party (LP) for May 2022.

How e stat life an skul wey e go[chenj-am | chenj-am for orijin]

Dem bon Peter Obi for July 19,1961 for Onitsha. Na for Christ The King College, Onitsha, e finish sekondri skul edukeshion. E go to University of Nigeria, Nsukka in 1980 to rid Filosofi an get B.A (Hons) in Filosofi in 1984.

Peter Obi go Lagos Business School, Naijá, wie e du e Chief Executive Program, Harvard Business School, Boston, USA, wie e du two program, London School of Economics, Columbia Southwest School, New York, USA, Institute for Management Development, Switzerland, wie e get two Sertifiket in Senior Executive Program an Chief Executive Officers program. E also go Kellogg Graduate School of Management, USA, Oxford University:Said Business School an Cambridge University, George business school.

How e tek wok[chenj-am | chenj-am for orijin]

Obi don wok for dis ples dem:

  • Next International Nigeria Ltd.
  • Chairman an daretor of Guardian Express Mortgage Bank Ltd, Guardian Express Bank Plc,
  • Future View Securities Ltd
  • Paymaster Nigeria Ltd
  • Chams Nigeria Ltd
  • Data Corp Ltd and Card Centre Ltd.
  • Fidelity Bank PLC.(Peter Obi don bi di smolest chairman of di Bank for age til nau).

Forma presido Goodluck Jonathan yuz am as di Chairman of the Security and Exchange Commission (SEC) afta di 2015 jeneral eleshion.

Tori abaut how e tek bi gofnor[chenj-am | chenj-am for orijin]

  • First term

Peter Obi kontest for Anambra Stet gofnor eleshion as kandidet for the All Progressives Grand Alliance (APGA) parti for 2003, bot e oponet, Chris Ngige of di People's Democratic Party, (PDP) na e di Independent National Electoral Commission (INEC) diklai as winna. Afta almost three years wey e chalenj di eleshon risot for kot, di kot tok sey na Peter Obi sopoz bi gofnor no bi Chris Ngige for March 6, 2006. For March 17, 2006 Obi bikom gofnor of Anambra Stet. For November 2, 2006, di State House of Assembly impish Peter Obi afta seven months for ofis an dey put Peter Obi deputi Virginia Etiaba di folowin day as gofnor an dis mek Virginia Etiaba di fest wuman to bi gofnor for Naijá. Peter Obi tok sey e no grie an shanlej di impishment an e win. Dem kom put peter Obi as di gofnor for February 9, 2007 by di "Court of Appeal" wey dey Enugu. Etiaba hand ova pawa bak to Obi afta di kot ruling.

Dem komot Peter Obi fom offis again for May 29, 2007 afa jeneral general eleshion wey Andy Uba win. Obi go kot again go sey e four-year wey e sopoz bi gofnor neva finish. Even dey na 2003 e win eleshion, na for March 2006 dem put am as gofnor an e sopoz finish e four-year bifor anoda eleshion. For June 14, 2007, di "Supreme Court of Nigeria" sopot wetin Obi tok an e kontiniu to bi gofnor of Anambra Stet. Dem drop Andy Uba as gofnor sey di April 14, 2007 eleshion no sopoz happun.

E sekond time as gofnor[chenj-am | chenj-am for orijin]

For February 7, 2010, di "Independent National Electoral Commission" (INEC) tok sey Peter Obi bi winna for di 2010 Anambra Stet gofnorship eleshion wey e win Professor Charles Chukwuma Soludo wey bi forma gofnor of CBN. As Gofnor Peter Obi win, e kom get anoda four years to bi di gofnor of Anambra Stet. For March 17 2014, Peter Obi finish e sekond term an hand ova di gofnorship to Willie Obiano.

2019 presidential election[chenj-am | chenj-am for orijin]

For October 12, 2018, dem pik Peter Obi as di pesin wey go bi vas to Atiku Abubakar as dem dey kampan to bi presidor of Naijá onda di parti "Peoples Democratic Party's" for di 2019 president eleshion. Na sekod PDP kom kari for di eleshion.

Awod-dem wey e don kolet[chenj-am | chenj-am for orijin]

Di awod-dem wey e don kolet na:

  • Sun Newspaper's Man of di Year (2007)
  • Thisday Newspaper's Most Prudent Governor in Nigeria (2009)
  • Champion Newspaper's Nigeria's Most Trustworthy Governor (2009)
  • West Africa ICT Development Award for Governor of the Year (2010)
  • Zik Leadership Prize (2011)
  • Bill & Melinda Gates Foundation's Best Performing Governor on Immunization in South-East Nigeria (2012)
  • Ezeife Leadership Foundation's Leadership and Good Governance Award (2012)
  • Methodist Church of Nigeria's Golden Award on Prudence (2012)
  • Business Hallmark Newspaper's Man of the Year (2012)
  • Silverbird's Man of the Year (2013)
  • The Voice Newspaper's Award for Outstanding Example in Leadership and Governance (2014)
  • Champion Newspaper's Most Outstanding Igbo Man of the Decade (2014)
  • Nigerian Library Association's Golden Merit Award (2014)
  • Catholic Diocese of Onitsha's Golden Jubilee Award (2015)
  • Golden Jubilee Award (2015)

Tins wey Pandora Paper rait abaut am[chenj-am | chenj-am for orijin]

Ontop di informashion wey lik from Pandora Paper, Di Premium Times talk sey Obi get hand for som kompini for British Virgin Islands wey no dey pay tax. For 2010, Obi yuz Acces International to stat an manej Gabriella Investments Limited, kompini wey dey British Virgin Islands wey dem nem afta Obi' gel pikin bikos dem no wan mek dem no sey na Obi get am.One of the dareto of dis kompini na daretor for anoda Shell kompini wey dey for Belize an dis Belize kompini get 50,000 shares for Gabriella Investments. For 2017, Obi arrenj di kompini onda niu nem PMGG Investments Limited an kirate Trust an nem am The Gabriella Settlement. Na dis Trust kom bi di mejo shareholder for PMGG Investments Limited. Anoda ripot tok sey, e bilike sey Obi get anodaShell kompini-dem for 1990s , "Beauchamp Investments Limited" for Barbados and "Next International (UK) Limited"for UK wey dem link to Obi an e famili.

If pesin luk Obi rekod of gettin kompinifor ovasea, jonalists kom tok sey sey Obi brek meni law bikos of di way e dey du bizness. Fest, Obi rimain as daretor of Next International (UK) Limited wen e bi gofnor of Anambra Stet an dis one na ofens for di "Code of Conduct Bureau and Tribunal Act". Sekod, as Obi no diklai im ovasea kompini-dem, e brek di "Nigerian Constitution Provision" wey say poblik ofisa must diklai all dia propati. Last, both di "Constitution"an di "Code of Conduct Bureau and Tribunal Act" tok sey poblik ofisa wey get bank akaunt outside Naijá don brek di law an wetin Pandora pepa tok an di wey Peter Obi dey ansa sho sey e get forin bank akaunt wen e bi gofnor.

Afta wey dis informashion don lik, pipul an grups push mek dem chek Obi an ripot-dem queri EFCC to chek Peter Obi wel wel. Few daiz afta di ripot, Peter Obi sey e no brek eni law. EFCC kol Peter Obi for som kweshon in October 2021 fom di orda wey Buhari giv sey mek dey chek evribodi wey dia nem dey di Pandora pepa link.

E Pasonal life[chenj-am | chenj-am for orijin]

Obi mari Margaret Brownson Usen for 1992, an togeda dey get two pikin.Peter Obi na Katolik memba.