Oby Ezekwesili
.png)
| Man abi wuman | wuman  |
|---|---|
| Kontri wey e kom from | Naija |
| Nem for lokal langwej | Obiageli Ezekwesili |
| Fest nem | Obiageli |
| Name | Madam Due Process |
| Wen dem bon am | 28 April 1963 |
| Ples wey dem bon am | Anambra State |
| Fest langwej | Igbo langwej |
| Langwej wey e fit tok, rait abi yuz hand tok | Igbo langwej, English langwej, Naijá langwej |
| Wok wey e dey du | economist, chartered accountant, politician |
| Wu e dey wok for | Transparency International |
| Post wey e dey | Minister of Education of Nigeria, Minister of Mines and Steel Development |
| Wie e go skul | John F. Kennedy School of Government, University of Lagos, University of Nigeria |
| Honorific prefix | Order of the Federal Republic |
| Party wey e dey for politis | Allied Congress Party of Nigeria |
| Candidacy in election | 2019 Nigerian presidential election |
| Notable work | Transparency International |
| Awod wey e kolet | BBC 100 Women, OkayAfrica 100 Women, BBC 100 Women |
Obiageli "Oby" Ezekwesili (dem bon am on 28 April 1963) na Naija pesin wey sabi ekonomik mata wel wel, Ezekwesili lik mek tins dey kleer. E like mek life beta for plenti pipo an shi dey hep pipo wey no tu get.
Na Ezekwesili bi bifor bifor vaiz presidor of Wod Bank Afrika rijion. E dey insaid pipo wey stat Transperacy Internashonal.shi dey insaid pipu wey stat #BringBackOurGirls mata an shi don sarf two taims for Naija as Fediral Minista, na shi stat #Fixpolitics, di Skul of politis Policy an Governance (SPPG), an Human Capital Afrika.
Ezekwesili bi memba of di board of Daretor of Wumen Politika Lida, an e na memba board of trustees Fundacao Dom Cabral, an di chairpesin of board Ehizua Hub.
Ezekwesili na chartered akountant, poblik analyst, an sinior ekonomik advaisa fom Anambra Stet.
Hau e tek stat life an edukashon
[chenj-am | chenj-am for orijin]Dem bon Ezekwesili insaid Legos Stet to Benjamin Ujubuonu, an Cecilia Nwayiaka Ujubuonu. E papa wey bi Benjamin Ujubuonu kpai in 1988.
Ezekwesili get bachelor's digre fom Universiti of Nigeria, Nsukka, masta digre in intanashonal lor an Diplomacy fom di Universiti of Legos, an Masta of Poblik Administrashon digre fom Havard Kennedy Skul for Havard Universiti. Deloitte an Touche train am wey mek am bi Chartered akountant.
Wen e wok for Government of Nigeria, Ezekwesili stil wok for Professor Jeffrey Sachs wey dey Centa for Intanashonal Divelopmet for Havard as do Direkto of di Havard-Nigeria Ekonomik Strategi Projet.
Im wok
[chenj-am | chenj-am for orijin]Ezekwesili don sarf as federal Minista of Solid an Minerals an leta as Federal Minista of Edukashon. Shi don sarf as di Vice president of di Wod Bank Afrika region fom May 2007 rish May 2012, na Makhtar Diop, replas am for dia.
Na sinior fello for Yale Jackson School of Global Affairs.
Im Pasonal life
[chenj-am | chenj-am for orijin]Na Pastor Chinedu Ezekwesili of di Redeemed Christian Chorch of God (RCCG) shi mari and dey get three pikin wey; Chinemelum, Chinweuba and Chidera.
In April 2021, Ezekwesili rait polis pipu sey mek dem hep am tel Japhet Omojuwa, mek e no dey uze im n for dia kompini, Alpha Reach Company Limited, as direkto.
Awods
[chenj-am | chenj-am for orijin]In 2006, dem giv Ezekwesili nashonal awod of Commander of di Order of di Fediral Repoblik of Nigeria (CFR).
.In May 2012, dem giv Ezekwesili honorary Doctor of Science (DSC) digre fom Universiti of Agriculture, Abeokuta insaid Nigeria. Shi dey insaid BBC's 100 Women in 2013 an 2014.
.In December 2012, Ezekwesili nem dey insaid 100 most influential Afrikas.
.In March 2016, Ezekwesili win 2016 New Afrika Women Awods.
.In July 2016, dem giv am honorary graduate digre by University of Essex, United Kingdom.
.In March 2019, Ezekwesili win Forbes Women Afrika Social Influencer Awod bikos hau shi tek di #BringBackOurGirls campaign.
.In 2019, dem giv am Awod of Richard Von Weizsäcker Fellowship at di Robert Bosch Academy in Berlin.
.Shi dey insaid pipu dey selet as Global Leadership Awords honoree.