Toyin Afolayan

Toyin Afolayan (dem bon am for September 24, 1959) na Naijá fim aktres wey dem stil no as Lola Idije.E bikom popula afta e akt as Madam Adisa for di fim wey dem kol Deadly Affair for 1995.

Na Toyin Afolayan stat di slang "Soro Soke were" an "Pele My Dear" . "Soro Soke Were" na di slang wey #EndSars protesta-dem yuz for Naijá to mek Naijá Govament stop SARS Police unit wey dey trit pipu eni how for di kontri.

Tori of e laif

Toyin Afolayan kom from Agbamu, Kwara Stet for South West Naijá.E bi kosin of Adeyemi Afolayan (aka Ade Love) an anti to Naijá fim aktor-dem Kunle Afolayan, Gabriel Afolayan, Aremu Afolayan and Moji Afolayan. Toyin stat to akt in di '80s bikos of Ade Love e kosin.Toyin stil dey akt for Nollywood til now an na for Yoruba fim-dem e dey akt pass.

E pasona laif

Toyin Afolayan na widow, mama of three wuman pikin-dem an grama. Toyin onli son don dai wen e dey smol.