Sarkodie

Sarkodie

pesin

Man abi wuman	man
Kontri wey e kom from	Gana
Orijina nem	Michael Owusu Addo
Fest nem	Michael, Mìcheal
Famili nem	Owusu, Addo
Alias	Sarkodie
Wen dem bon am	10 July 1985
Ples wey dem bon am	Tema
Fest langwej	Akan
Langwej wey e fit tok, rait abi yuz hand tok	English langwej, Twi
Wok wey e dey du	musician, rapper
Wie e dey liv	Tema
Wen e stat wok	2005
Instrument	voice
Discography	Sarkodie discography
Stai of song abi fim	hip-hop, hiplife, Afrobeats

Micheal Owusu Addo (dem bon am on July 10, 1985) dem sabi am for im wok as Sarkodie na Ghanian singa (rappa), songraita, an e dey du biznes wey kom fom Tema. Di kain wey e dey sing song don mek pipu sabi am wel wel. E don win plenti awod lik; Vodafone Ghana Music Awod for Artist of di Decade, fes winna of BET internashonal flo artist at di 2019 BET Hip Hop Awod. E dey insaid pipu wey mek dem sabi Azonto dans.

Im life an wok

Hau e tek stat life an wok

Sakordie na nomba four pikin insaid five pikin an dem bon am on July 10, 1985. E gro up for Koforidua bifor im papa an mama kon kari dem go Tema, na Tema e tek go skul. E go Tema Methodist Day Senior High School an stil go IPMC, wia e for tek get digree for graphic design. Sakordie fes stat to dey go smol smol kompetishon lik Adom FM rap kompetishon kasahare level. Na for dia e ci im bifor bifor manaja Duncan Williams of Duncwills Entertainment.

Hau e tek dey hep pipu

On July 13, 2013, Sarkodie stat di Sakordie Foundation, wey e du to dey hep smol smol pikin wey dia papa an mama no tu get moni. E don go hep dem for Royal Seed Home Orphanage in Kasoa. On December 25, 2014, im foundation stat feed di kids campaign for Tema, Ghana, dem giv plenti smol pikin bags of rice an youghurt.

Im biznes an kompini e du kontrat wit

Na Sarkodie get di Sark by Yaks kompini wey dey du cloth, e stat am on April 27, 2013.. In 2012, Samsung Electronics sho pipu sey Sakordie na dia niu ambassador for Universiti of Ghana, Legion. Sakordie na ambassador for Fanmilk Ghana in 2013. Sarkodie du deel wit Tigo Telecommunications Ghana, wey sponsor im 2013 Rapperholic tour. Sakordie get endorsement deel wit Standard Chartered Bank. Im bi di ambassador for Guiness Ghana Limited for dia Malt drink. On 30 October 2019, na im bi di ambassador of di year for di year return campaign; dem giv am di awodnat Creative Arts Industry Forum. In 2021, Sarkodie an im pikin dey insaid Pepsodant Ghana's #BrushWithMe campaign. Dem du am to tek tel pipu to dey brush day an naight.

Im Pasonal life

Sarkodie Mari Tracy insaid smol weedin wey e do for Tema, Ghana on 17 July 2018. Na two pikin e bon.

Som of im wok

Studio album Makye (2009).

Rapperholic (2012)

Sakorlogy (2014)

Black love album (2019)

No pressure (2021)

Jamz (2022)

Wia dem gada di tori