Cornelia Sorabji
| Man abi wuman | wuman  |
|---|---|
| Kontri wey e kom from | British Raj, India |
| Nem for lokal langwej | Cornelia Sorabji |
| Fest nem | Cornelia |
| Wen dem bon am | 15 November 1866 |
| Ples wey dem bon am | Nashik |
| Wen e kpai | 6 July 1954 |
| Place of death | London |
| Mama | Francina Sorabji |
| Broda an sista | Susie Sorabji, Alice Maude Sorabji Pennell |
| Langwej wey e fit tok, rait abi yuz hand tok | English langwej |
| Wok wey e dey du | lawyer |
| Post wey e dey | women's rights activist |
| Wie e go skul | University of Mumbai, Somerville College |
| Notable work | India Recalled |
| Awod wey e kolet | Kaisar-i-Hind Medal, first class |
Cornelia Sorabji (Dem bon am for November 15, 1866 an e kpai July 6, 1954) na Indian lorya, soshal riforma an raita. E bi di fest fimeli wey wan pass out from Bombay Yunivasiti an di fest wuman to rid law for Oxford Yunivasiti.Afta wey Sorabji finish Oxford Yunivasiti, e go bak to Indian an put bodi in soshal an advaisa wok to hep di Purdahnashins. Purdahnashins na wuman-dem wey dey no grie mek dem du enitin wit man wey no dey dia kontrie.Sorabji no fit go kot go fight for dose wuman bikos e Neva get di professional standin or satifiket to du am.Bikos of di one, Sorabji go du e LLB ezaminashon in Bombay Yunivasiti in 1987 an "Pleader ezaminashon of Allahabad Hi Kot in 1899.Sorabji kom bikom di fest fimeli wey dey spik for kot.Na 1923 dey chenj di law for Indian so dat wuman sef go fit bi Barrista for Kot an na day year e kom bi Barrista. Sorabji put bodi for meni soshal savis kampain grups. Som of di grup na Nashional Kaunsu for Wumen in Indian, di Fedirashon of Yunivasiti Wumen, an di Bengal Ligi of Soshal Savis.Sorabji no sopot sey mek dey komposiri how Westa pipul dey si tins for di chenj abaut wuman-dem in India.E dey kiyefu as e dey du e best to chenj soshal mata an e no sopot fast fast chenj hadiya. Sorabji biliv sey onti evri wuman no buk, all di politikal chenj wey dey wan du no go eva last. Sorabji sopot di British Raj, an Purdah for Hopa-Kast Hindu Wumen an e no sopot Indian Self-Rule Bikos of wetin e biliv, e no get di sopot wey e nid to rili chenj som soshal mata. Sorabji put mouth for meni poblikashon wey hep mata in di earli 20 senturi.