Mudashiru Obasa
Mudashiru Obasa (Dem bon am for November 11, 1972) na Naijá lorya, Politishian, memba of All Progressives Congress (APC) an na Spika for di Lagos State House of Assembly.
How e tek stat Life[chenj-am | chenj-am for orijin]
Na for Agege wey dey Legos stet inside Naijá dey bon Mudashiru. E du pamari skul for St Thomas Acquinas Pry School, for Surulere, Legos bifor e kom go du sekondiri skul for Archbishop Aggey Memorial Secondary school for Mushin, Ilasamaja, Legos. Na dia e kolet im satifiket for di West African School. E kolet im Bachelor digri for law in di University of Lagos State for 2006.
Im Politika Karia[chenj-am | chenj-am for orijin]
For 1999, Mudashiru join bodi kontest for kounselo posishion for Agege lokal govament onda one parti for politiks wey bi Alliance for Democracy party (AD) and e win an dis mek am fit serve araund 1999 go rish 2002. For 2019, E join bodi kontest again for eleshion for e aria win. E kom bi memba for Lagos State house of Assembly. Na Mudashiru bi di fest pesin to dey dat sit for three times, an di fifth term rekod. Di time wey dem dey du EndSARS for e stet, dey rekod for live TV wey e tok sey di LSHA no go fit For di time wey dem dey du EndSARS for im stet, wey be Legos dem rekod am for live TV wey e say di LSHA no go fit konfam di pipu wey dai for polis hand wen dem dey du di one minit silence for di pipul wey dem kil for Lekki an oda pipul for Naijá.
Im koropshon kes[chenj-am | chenj-am for orijin]
For 2020, di ripot for Sahara Kari out one mata sey e du magomago abaut one poblik moni. Bot e no gri wit wetin dem put for e hed. Ripot pipul kom leta sey dat Economic and Financial Crimes Commission kari Obasa to ask am som tins for 8 and 9 Octorber 2020. Fom wetin inside pesin tel di Sahara pipul, dem say Obasa du like pesin wey no wel for di EFCC wen dem dey ask am som kwesions, an dis mek dem stop to ask am oda tins. Dem nid to Kari Obasa go dia sick bay bifor dey kom free am. Obasa kom ask for im passport for am to go for tritment for obodo Oyinbo bifor e go du Umrah wia e mit Bola Tinubu for Saudi Arabia. Obasa dey onda alligeshon by di EFCC for Kes of moni magomago.