Mejai Bola Avoseh
| Man abi wuman | man  |
|---|---|
| Wok wey e dey du | profeso |
| Wu e dey wok for | South Dakota |
| Wie e go skul | University of South Dakota |
| Awod wey e kolet | Fulbright Scholarship |
Mejai Bola Mike Avoseh na profeso for one yunivasti wey dem dey kol University of Dakota. Di tins wey im dey tich na abaut skul wey pipul wey no bi smol pikin dey go, how difren pipul dey du dia difren difren kolsho for di wold an abaut som patikula ples-dem. Avoseh folo for di join-bodi for di grup wey dem kol American Association for Adult and Continuing Education (AAACE) sins 2016 an e stil folo dey for International Society for Comparative Adult (ISCAE) from 2020 go rich 2023 an na im bi di oga kpata-kpata for di Commission for International Adult Education (CIAE) for inside AAACE.
How e tek go skul
[chenj-am | chenj-am for orijin]Avoseh get im bachelor satifiket for 1982 an masta digri satifiket for Philosophy for 1984. E kom stil get anoda satifiket afta skul for how dem tek dey tich for 1987 an anoda one wey dem dey kol Doctor of Philosophy (Ph.D) for pipul wey no bi smol pikin wey stil dey go skul for 1991. Avoseh get ol of dem for yunvasti wey bi University of Ibadan. Im stil get anoda satifiket wey bi Master of Science for Educational Leadership and Administration for College of Saint Rose wey dey for Albany for 2006. Avoseh na konfam K-12 ticha an na big pesin for New York State. E stil get satifiket for SAS (School Administrator and Supervisor) an SDA (School and District Administration).
How e tek wok
[chenj-am | chenj-am for orijin]Fom 1986 go rish 1995, Avoseh stat to dey tich pipul wey don finish sekondiri skul as lekshora for di dipatment wey konsan pipul wey no bi smol pikin but stil de go skul for University of Ibadan an Saints Peter and Paul Seminary for Ibadan. E kom from dia go tich for di University of Namibia from 1998 go rish 2001. Afta dis one, e kom go tich for USA for inside New York Public School System from 2001 go rish 2004. Dem mek am as pesin wey go dey asist anoda profeso for inside University of South Dakota for 2004 an las-las dem mek am ful profeso for 2015.
Avoseh don rili wok wel wel and tich for difren-difren pat wey konsan pipul wey no bi smol pikin again wey wan stil go skul espeshali how dem tek de len, to dey shwo sey nobodi du enibodi wayo an difren difren way to yuz tich pipul an skul wey dem dey inside wey dey tich abaut ods ples for di wold for Naija, Namibia, United States an for Botswana (dem mek am Fulbright Scholar). For 2019, dem giv am one awod wey dem dey kol Outstanding Service Medallion for inside American Association fo Adult and Continuing Education (AAACE). Na two times Avoseh don kolet one awod wey be J. Williams Fulbright Core Award for U.S Scholars for di wey e tek dey tich an du risach. Di last Fulbright awod wey im kolet na for March 2019 to tich an du risach for Naija. As dem si sey e rili put bodi for di mata we konsan pipul wey no bi smol pikin wey wan go skul, for September 2021, dem put Avoseh nem for one big grup wey dem dey kol International Adult and Continuing Education (IACE) Hall of Fame an na October 6 2021 dem go put am las-las fo inside . E don rait wel-wel abaut difren-difren tins wey konsan pipul we no bi smol pikin wey wan go skul, abaut how pipu de du dem own type of skul for difren-difren pat of di word, how pipul tek dey bikom pat of anoda kontri, how to divelop ples wey neva opun, how to rid an rite, how pesin kolsho tek bi an how man an wuman tek sopoz dey si demsef an som kind rul wey go dey kontrol skul mata, wit difren-difren buk wey bi sey di pipul wey print dem na pipul wey dem sabi wel-wel. E get one tin wey im rait for inside one buk wey dem dey kol Africa for lifelong learning. Pipul dey always tok abaut dat tin bikos e mek sens wel-wel.