Marcelle Lively Hamer

Elizabeth Marcelle Lively Hamer (dem bon am for July 14, 1900 an e kpai March 4, 1974) na Amerika Labrarian an e dey stodi an rekod how dem dey du tins for lokal way. E wok for ova 30 years at di Yunivasiti of Texas an di El Paso Poblik Labrari. E dey wok as espat in Texas tradishonal tori an histri. Hamer wok for 17 years as person wey dey kip dia moni for Texas Folklore Sosaheti.

How e tek stat life an go skul

Na for Whitewright, Texas dey bon Elizabeth Marcelle Libely on July 14, 1900. E papa nem na Robert Morris an e mama nem na Clara Susan (Lemon) Lively. Hamer papa a pesin wey dey sel big goods an banka. E mama na Inglish tisha for Grayton Kolej. Hamer yuz one year at di skul wey rilijon sista dey kontro Kidd-Key Kolej bifor e kom go finish e sekondri skul for Southeastern Stet Normal. In 1919, Hamer get a two-year digri from Kristen Kolej. For di Kolej, e bi dia studet union presidor. Hamer kolet e Bashelor digri in Inglish from di Yunivasiti of Oklahoma in 1921. E leta get e Masta digri from di Yunivasiti of Texas in 1939. Di Pepa wey Hamer wok wit na "Anecdotal Elements in Southwestern Literature". In a 1943 Life Magazine wey tok abaut Texas tori, na Hamer Pepa dey tok sey pipul rid pass in di hol of Yunivasiti of Texas koleshon.

Hamer mari e hosband Robert Colt Hamer in 1922. Di marej produs one gel-pikin, Mary Marcelle Hamer Hull. Hamer marej skata in 1930.

How e tek wok

Hamer wok as di daretor of di Texas koleshon at di Yunivasiti of Texas from 1935 go rish 1955. Hamer dey yuz di big "Battle Hall reading room" as e ofis. El Paso Poblik Labrari give am wok sey mek e bi di Refirens assistant in 1955.