Kursk submarin disasta

Di nukle-pawad Projekt 949A Antey (Oska II klass) submarin Kursk sink for wan asident on 12 August 2000 for di Barents Sea. E been dé paticipayt for di fes major Russian naval exasaiz for moh than 10 years. All 118 pesinnel on bod kpai. Di krew-pipo of niabai ships feel an inishial exploshion and a second, much larja exploshion, but di Russian Navy no rialaiz say an asident don okur and no inishiat a search for di vessel for ova six hawas. Di submarin emagency reskiu buoy been dé intenshionally disabuld during wan elia mission and e tek moh than 16 hawas to find di submarin, wen rest on di oshion floor at a depth of 108m.

Ova foh days, di Russian Navy repeatedly fail in attempts to attach foh different daiving bells and submasibuls to di eskape hatch of di submarin. E respons dé kritisaizd as slow and inept. Offishials mislead and manipuleit di publik and news media, and rejekt hep from oda kontris' ships nearby. President Vladimir Putin inishially kontinu him vakashion for wan seasayd resort for Sochi^[1] and authorais di Russian Navy to asept British and Norwegian assistans only afta faiv days don pas. Tuw days afta, British and Norwegian daivas finally opun a hatch to di eskape trunk for di boat flooded nainth kompatment, but no see any survaivors.

An offishial investigashion konklud say wen di krew load a dummy 65-76 "Kit" torpedo, a faulty weld for di kaysing leak hai-test peroxayd (HTP) inside di torpedo tube, wen kom inishiate a katalytik exploshion.^[2]

Referens

↑ Zygar, Mikhail (2016). All di Kremlin's men : inside di kourt of Vladimir Putin. New York: PublicAffairs. p. 37. ISBN 978-1-61039-739-1. OCLC 949553556.
↑ Paschoa, Claudio (3 October 2013). "Rimembaring di Kursk Submarin Sinking". Marin Teknolojy Nius (in Ínglish). Archived from the original on 12 August 2022. Retrieved 28 March 2022.

[1] Zygar, Mikhail (2016). All di Kremlin's men : inside di kourt of Vladimir Putin. New York: PublicAffairs. p. 37. ISBN 978-1-61039-739-1. OCLC 949553556.

[paschoa-2] Paschoa, Claudio (3 October 2013). "Rimembaring di Kursk Submarin Sinking". Marin Teknolojy Nius (in Ínglish). Archived from the original on 12 August 2022. Retrieved 28 March 2022.

[1]

[2]