Wuraola Esan

Chif Wuraola Adepeju Esan (1909–1985) na Naija ticha, wumen raits faita, and politishian. Shi mix ha politikal waka wit tradishonal taitul, as shi sav as Iyalode of Ibadan.^[1]

Hau shi tek stat laif and go skul

Dem bon Wuraola Adepeju for 1909 for Calabar, but ha pipul na from Ibadan. Ha papa and mama no get Western edukeshon, but dem sabi say edukeshon dey impotant, so dem sopot am mek shi go skul.

Ha papa, Thomas Ojo-Ade, na World War I soja and na nomba five for Ibadan throne succession.

Ha mama, Ajike Ojo Aina (wey pipul dey kol "Iya Gbogbo" – wey min "Moda of evribodi") na strong biznes wuman.

Wuraola atend Baptist Girls College, Idi Aba, Abeokuta, den go United Missionary College, Molete, Ibadan, for wia shi get tichas trenin satifiket.

From 1930 go rich 1934, shi tich domestic science for mishonari trenin skul for Akure. Shi mari Victor Esan for 1934, and dem liv for Lagos for smol taim. For 1935, shi stat to tich for Methodist Girls’ High School (MGHS), Lagos – one big skul for gels dat taim.

Shi join Lagos Women’s League wey dey fait for gel-pikin edukeshon. Leta, shi and oda wumen join politis wit Nigerian Youth Movement and National Council of Nigeria and Cameroons (NCNC).

Afta som yias, shi waka go bak to Ibadan.^[2]

Hau shi tek du politis

For 1944, shi opun ha own skul: Ibadan People's Girls Grammar School, Molete – to tich wumen difren-difren sobjets inkludin domestic science.^[3]

Ivun do shi push wumen edukeshon, shi no rili chalenj di way men dey dominate sosaiti dat taim.^[4]

For di 1950s, shi enta Action Group wumen wing for ful politis. Wumen dey impotant for eleshon period, bot fiu dey get ril pawa – stil, Esan rais rich top: Shi bikom fest wuman senator for Nigerian National Assembly (nominated from Ibadan West).

Shi help stat the National Council of Women Societies (NCWS).

For 1975, shi kolet di Iyalode taitul — wey bi big chif taitul for Ibadan.

Wia dem gada di tori

↑ Roberta Ann Dunbar. Reviewed Work(s): "People and Empires in African History: Essays in Memory of Michael Crowder" by J. F. Ade Ajayi; J. D. Y. Peel; Michael Crowder, The Journal of African History, Vol. 34, No. 3, 1993.
↑ Kathleen E. Sheldon. Historical Dictionary of Women In Sub-Saharan Africa, Scarecrow Press, 2005, p 74. ISBN-0-8108-5331-0
↑ Cheryl Johnson-Odim. For Women and the Nation: Funmilayo Ransome-Kuti of Nigeria, University of Illinois Press, 1997, p 48. ISBN-0-252-06613-8
↑ Karen Tranberg Hansen. African Encounters with Domesticity, Rutgers University Press, 1992, p 133.

[afhist-1] Roberta Ann Dunbar. Reviewed Work(s): "People and Empires in African History: Essays in Memory of Michael Crowder" by J. F. Ade Ajayi; J. D. Y. Peel; Michael Crowder, The Journal of African History, Vol. 34, No. 3, 1993.

[2] Kathleen E. Sheldon. Historical Dictionary of Women In Sub-Saharan Africa, Scarecrow Press, 2005, p 74. ISBN-0-8108-5331-0

[3] Cheryl Johnson-Odim. For Women and the Nation: Funmilayo Ransome-Kuti of Nigeria, University of Illinois Press, 1997, p 48. ISBN-0-252-06613-8

[4] Karen Tranberg Hansen. African Encounters with Domesticity, Rutgers University Press, 1992, p 133.

[1]

[2]

[3]

[4]