Wole Soyinka
.jpg)
| Man abi wuman | man  |
|---|---|
| Kontri wey e kom from | Naija |
| Nem for lokal langwej | Akínwándé Olúwọlé Babátúndé Ṣóyíinká |
| Fest nem | Wole |
| Wen dem bon am | 13 July 1934 |
| Ples wey dem bon am | Ogun State |
| Mama | Grace Eniola Soyinka |
| Broda an sista | Omofolabo Ajayi-Soyinka |
| Pesin wey e mari | Folake Doherty Soyinka |
| Pikin | Olaokun Soyinka |
| Fest langwej | Yoruba Langwej |
| Langwej wey e fit tok, rait abi yuz hand tok | English langwej, Naijá langwej, Yoruba Langwej |
| Langwej wey e tek rait di wok | British English |
| Pat of wok wey e put mind | performing arts |
| Post wey e dey | UNESCO Goodwill Ambassador |
| Wie e go skul | University of Leeds, University of Ibadan, University of London, Abeokuta Grammar School |
| E pipul | Yoruba pipul |
| Magnum opus | Season of Anomy, The Interpreters, Chronicles from the Land of the Happiest People on Earth, Harmattan Haze on an African Spring, The Lion and the Jewel |
| Dem kip am for | Leeds University Library |
| Memba of | American Academy of Arts and Sciences, Royal Society of Literature |
| Official website | https://www.wolesoyinkafoundation.org/ |
| Bibliography | Wole Soyinka bibliography |
| Documentation files at | SAPA Foundation, Swiss Archive of the Performing Arts |
Akinwande Oluwole Babaunde Soyinka (dey bon am 13 July 1934) na Naija buk-raita wey pipo Sabi wel wel for im poem an play-raita. Soyinka don rait three novel, ten smol smol stories, seven koleshon wey get poem, twenti-five play an five memoirs. E don rait two buk wen dem don intaprit to anoda langwej-dem an plenti tori for niuz-pepa. Pipo no Soyinka as one of di best raita wey Afrika don eva produs. Soyinka stil bi one of di best drama raita for di wold. Na Soyinka kolet di 1986 Nobel Prize awod in Literashon.
Dem bon Soyinka for Aké wey de Abeokuta inside one Yoruba famili wey dey go Anglika chorch. Soyinka go Govamet kolej wey de Ibadan. E kom go Yunivasiti Kolej Ibadan. Wen Soyinka de Yunivasiti, e join bodi to gada pipo form "Pyrate Confraternity ". Soyinka komot for Naija go England go rid buk for Yunivasiti of Leeds. Wen e de Yunivasiti of Leeds, Soyinka bikom di editor of di yunivasiti magasin. Di nem of magasin na "The Eagle". In di 1950s, Soyinka kom tek raitin as im mejo job. Soyinka start to dey rait smol smol stories an dey mek rekod for di BBC Lecture Series. E rait plenti play wey Dem do inside redio an hall wey pipo dey go luk drama for Naija an for UK. Na for di Royal Court Tihatia Soyinka yuz pass.
Soyinka mari Folake Doherty in 1989. Folake Doherty go bi di nomba three wuman wey Soyinka don mari for im life. For 1 September 2022, Yunivasiti of Abu Dhabi wey de New York mek Soyinka dia Art Professor of Tihata
Plenti buk-dem wey Soyinka rait dey tok about Naija. Dis one mins sey Soyinka buk dey tok about Naija histri, kolshor, an dia govamet. Pipo sabi Soyinka wel wel bikos of some of im like: Swamp Dwellers (1958), The Lion and the Jewel (1958), an, The Invention. The Invention na one of Soyinka play wen e start to dey rait play
