Usman Alkali Baba

Usman Alkali Baba CFR (dem bon am for 1 March 1963).

Usman Alkali Baba na di 21st Inspector General of Polis for Nigeria. Na President Muhammadu Buhari apoint am mek e tek ova fom Mohammed Adamu wey retire fom Nigeria Polis Fors for February 2021. On Friday, June 4, 2021, Polis Council kon komfam say Alkali Usman Baba don offishialy bi di reel Inspector General of Polis.

Earli laif and Edukeshon

Alkali kom fom Geidam, for Yobe State, Nigeria. For 1980, e get Teacher’s Grade II Certificate fom Teachers College for Potiskum, Yobe State. Leta, e go Bayero University for Kano go stodi Politika Science, wey e finish for 1985. Afta dat, e go University of Maiduguri, wia e kolet Master’s digre for Poblik Administration for 1997. Baba stil go National Defens College for course 22/2014.

Work laif

Alkali join Nigeria Polis Fors on 15 March 1988. Fom dia, e later become Assistant Superintendent of Police. Dem promot am to Komishona of Polis on 27 January 2013. For 2014, dem post am go Delta State as Commissioner of Police. E don sarf for meni posishons:

.DIG Force CID

.Force Secretary for Police Headquarters, Abuja.

.E don work for FCT as Deputy Commissioner, Investigation; and for Staff College as one of di direktin ofisas wey dey train oda polismen.

.E don also sarf for Kaduna as Deputy Commissioner, Administration, and Assistant Commissioner, CID.

.For Ilorin, e bi Area Commander. For Ebonyi State, e be second-in-command.

.E don wok for plenti ples lik Kaduna, Yola, Jos, and Gombe as DPO (Divisional Police Officer).

.Baba stil bi forma Assistant Inspector-General of Police for Zone 5, wey dey in charj of Edo, Delta, and Bayelsa States.

.E be Fellow for International War College and e stil be memba of International Association of Polis.

.Inspector-General of Police (How e take become IGP)

.On 6 April 2021, President Muhammadu Buhari appoint Alkali Baba mek e replez Mohammed Adamu wey retire for February 2021. Bifor dem apoint am as Inspector-General of Police (IGP), e bi Deputy Inspector-General of Polis for Fors Criminal Investigation Department (Force CID) for Police Headquarters.

Awods

For October 2022, President Muhammadu Buhari giv am one big nashonal awod — Commander of the Order of the Federal Republic (CFR), bikos of di wok wey e don do for Nigeria Police.

Wia dem gada tori

1.