Lateef Raji
| Man abi wuman | man  |
|---|---|
| Kontri wey e kom from | Naija |
| Wen dem bon am | 12 October 1955 |
| Wen e kpai | 14 August 2017 |
| Manner of death | natural causes |
| Cause of death | cancer |
| Wok wey e dey du | politician |
| Wie e dey liv | Shomolu |
| Party wey e dey for politis | All Progressives Congress |
| Rilijon | Islam |
Lateef Oludare Raji (dem bon am for October 12, 1962 an e dai for August 14, 2017) na Naijá Politishian wey wok as di pesin wey dey giv Babatunde Fashola advais for infomashon on how to du plenti plenti plan for som kind mata for di time wey Fashola bi di gofnor of Legos Stet. Wen Bola Tinubu stil bi gofnor for Legos Stet, Lateef stil wok as wan big oga for Legos. Bifo e dai, im join di pipul wey dey wok for Lagos State Independent Electoral Commission committee (LASIEC).
Tori abaut e life an how e tek go skul[chenj-am | chenj-am for orijin]
Dem bon Raji for Ondo Ste for October 12, 1962. Na for inside 1974 go rish 1978 e stat e skul for Irekari Grammar School, Idoani. Raji stil go Church High School, Owo for 1978 an na for 1980 e get e Ordinary Level School Certificate. Afta dis one, Raji kom stil go big skul wey dem dey kol yunivasiti of Legos to len abaut tins wey don hapun bifor (History). Di skul kom giv am Bachelor of Arts (Hons) for 1997.For 2000, e kom get im Masters degree for tins wey don hapun bifor (History).
How e tek wok an du politis[chenj-am | chenj-am for orijin]
For inside 1996 go rish 2000, Raji stat to dey rait buk for Ahrada West African Publishing. Na for dia e fest stat to dey wok. Dem leta mek am di oga kpata-kpata for di kompini bitwin year 2000 go rish 2003. Raji stil wok as pesin wey dey stand for Naijá for di World Education Resources Centre, United Kingdom fom 2003 go rish 2007. E kom stil bi di oga kpata-kpata for Thrazel Naijá. Na for 1999 im stat to du politis. Na Raji bi di Seketri for di Alliance for Democracy for Legos Stet. Wen wahala hapun for dis parti, di parti kom skata an Raji kom bi di oga kpata-kpata for one of di grup wey skata from di Alliance for Democracy. Pipul stil like am for di way wey im disain di logo for di All Progressive Congress. Na im hand bi dat hand wey hold brum for di flag sins di time wey dia nem bi Action Congress of Nigeria an ivun afta dem chenj their nem to APC.Raji try kontest to bi di pesin wey go dey stand for Oshodi/Isolo pipul for di Govament side for Naijá onda APC but e no si di tiket kolet. Dem kom leta ton am to pesin we go dey advais Gofnor Babatunde Fashola on infomashon an plenti plenti plan for som kind mata. For 2015, Raji stil try to stand for di pipu for Oshodi/Isolo for House of Representatives bot no bi e win am, na Hon. Timothy Olumuyiwa Olubintanwin win di tiket. Raji stil try to bi di person we go bikom di gofnor of Ondo Stet for 2016 onda APC. For 29 June 2016, Gofnor Akinwunmi Ambode mek Raji join pipu wey dey wok for di ples wey dem dey du alk di mata wey konsan vot for Legos Stet wey their nem bi Lagos State Independent Electoral Commission committee (LASIEC).
E pasonal life[chenj-am | chenj-am for orijin]
Raji na muslim an e mari Alhaja Raji. Na four pikin-dem e bon.
How e tek dai[chenj-am | chenj-am for orijin]
Raji dia for eli monin on August 14, 2017 afta e don try to trit kansa of di trot. Bikos na muslim e bi, na dat sem day dey beri am for e vilej for Idoani, Ondo Stet.