Koffi Idowu Nuel

Koffi Ayinde Idowu Nuel, wey pipul sabi as Koffi, na Naija entertainer, komedian, musikshan and aktor. Na pikin wey dem bon for March 11, 1977, to one Togolese mama and one Nigerian papa wey kom fom Ibeju-Lekki.

How e tek stat laif

Koffi na for Maroko dem bon am (na old slum for Lagos bifor dem spoil am for 1990, na dia di niu Lekki Oniru dey nau).

E du im primari skul for Lagos, kon go Molusi College for Ijebu Igbo, Ogun State for sekindri skul. Afta dat, e go Universiti of Lagos (Unilag) go stodi Chemistry.

How e tek stat wok

For 1998, Koffi join Theatre 15, wia e len how to akt for stej, dans, and du komedi bifor pley stat (openin akt).

Im fest big chans for TV kom wen e sho for one popula campus komedi sho wey dem kol "Twilight Zone", wey pipul sabi as "Shake Body". Na dia e mek pipul sabi di Dauda character again. As stand-up komedian wey e bi, e dey olways host school events and paform smol komedi bifor drama go stat for students wey pay kom ci dem.

For 2003, Koffi go audition for one big Nigerian komedi sho wey dem dey kol "Night of a Thousand Laughs". Out of 34 komedians, na onli 4 pipul, including am, dem pick to parfom for the yearly sho.

Koffi stil sabi crack joke an parfom for im lokal lagwej Yoruba

Awods

Year	Awards	Categories
2006	Nigerian National Comedy Awards	Best Comedian (Music)
2007	Dynamix youth Awards	Comedian of the year
2008	Nigerian Music Video Awards	Best use of animation
2008	Titbits News Awards	Most friendly Comedian
2009	-Eminent Achievers Awards (News of The people)	Entertainment personality of the year
2010	Rubbies Ink Project Capable	Capable Youth Ambassador
2011	CEPAN Africa	African Comedy Icon
2012	Exceptional Magazine Awards	Award of excellence as Most creative Comedian
2013	Wed Awards	Best Wedding MC
2013	National Association of Nigerian Students	Award of Excellence
2013	Meister FPY Awards	Award of Recognition
2013	The Nanny (Best of Nollywood Awards)	Best Comic movie
2013	The Nanny(Abuja Int'l Film Festival)	Most outstanding Comic Movie

Som of im wok

COMfussion (2004)

ABINIBILITY (2006)

TRADofunkHIPsouL (2008)

Workerman movement: all eyes open (2010)

Root&roll: books1&2 (2012)

Gospel truth (2012)

Workerman allstars: famous five (2013)

Ayindeokin: metamorpho (ajala movie sdtrk) (2014 )

Ayindeokin: fresh from the past (2013)

Motor music (2012)

2 Black Birds movie soundtrack (2007)

Mumu movie soundtrack (2009).