Aphrodite

Aphrodite na one hodin days Greek wuman god (goddess) wey dey kontro love, beauti, pashon, an mek wuman get belle. Wen pipo wan tok about Aphrodite with anoda god kol Venus, dia two dey kombine to fit helep pipo dey wan sex, disaya, mek pesin popula, an mek pesin win for war. Di woship wey pipo dey give Aphrodite kom from oda Phoenician" goddess wey bi Astarte. Astarte sef dey among di Easta Semitic goddess "Ishtar". Aria wey dem dem woship an praize Aphrodite na: Cythera, Cyprus, Corinth, an Athens. Di mejo festiva wey pipo dey yuz honor Aphrodite na Aphrodisia. Aphrodisia parti dey hapun evri June. For Laconia, Pipo dey woshoip Aphrodite for dia bikos dem dem see am as goddess of war (woriho). Na im still bi di goddess wey evri ashewo (prostitutes) dey woship. Bikos of sey na im bi di goddess of Ashewo, dis one mek pipo wey go skul wel wel form one idiha wey bi Sacred Prostitution or Holi Ashewo. Dis one dey inside di kolsho of Greek an Rome pipo. Nowadays, pipo see Holi Ashewo as somtin wey dey veri bad. Meni Greek pipo sabi Aphrodite wel wel. Dis goddess de inside meni of dia buk.

For di buk wey Hesiod rait wey e kol di tahitu Theogony, e tok about how dem tek bon Aphrodite. E tok na for Cythera dem bon Aphrodite. E tok sey na di foam wey komot from Uranus private part form Aprodite. Na Uranus boi-pikin pack dis foam kom troway am inside big wota (sea). For di tori wey Homer rait wey e kol Iliad, na anoda vashon of Aphrodite de dia. Homer tok sey Aphrodite na di gel-pikin wey Zeus (di male) an Dione (di fimeli) bon. Wen Plato wan tok about im own vashon for di buk Symposium, e tok sey na difren tins di two tori dey tok about. Plato tok e get two Aphrodite: Aphrodite Urania an Aphrodite Pandemos. E tok sey Aphrodite Urania na for hevun pipo an Aphrodite Pandemos na for pipo wey dey dis wold.