Alex Ekubo

Alexx Ekubo

pesin

Man abi wuman	man
Kontri wey e kom from	Naija
Nem for lokal langwej	Alexx Ekubo
Fest nem	Alexis
Famili nem	Ekubo
Wen dem bon am	10 April 1986
Ples wey dem bon am	Arochukwu
Wen e kpai	11 May 2026
Place of death	Lagos
Manner of death	natural causes
Cause of death	kidney cancer
Langwej wey e fit tok, rait abi yuz hand tok	English langwej, Naijá langwej
Wok wey e dey du	actor, model
Pat of wok wey e put mind	actor
Wie e go skul	University of Calabar
Hair kolor	black hair
Eye kolor	brown

Alex Ekubo Okwaraeke (dey bon am 10 April 1986 an e kpai for 11 May 2026) na Naija aktor, entatena, an pesin wey sabi elp pipul wel wel. Na wen Elubo kari sekod for Mr Nigeria kompetishon in 2010 pipul kom stat to dey no am an e leta de insaid one fim kol Weekend Getaway. For 2020, Elubo nem de insaid di list of Afrika pipul wey neva rish 40 wey get levuls for di tins wey e don du for entatemet an sosha divelopmet for Afrika.

Hau im tek stat laif an go skul

Na for Arochukwu wey de Abia Stet na im Alex Ekubo-Okwaraeke kom fom. E go Fediral Govmet Kolej wey de Daura for Kaduna Stet an e rid Lo for Yunivasiti of Kalaba. For 2021, For 2021, Institut Supporter de Communication et de Gestion (ISCG Yunivasiti) wey de Kotonou, for Benin, giv Ekubo onori digri in Art an Kolsho

Hau im tek wok

Ekubo fest stat to dey akt for fim smol smol wey e sho for Sinners in the House fim (2003) wey Lancelpt Oduwa Imaseun mek. Leta, e kom akt insaid Afamefuna: An Nwa Boi Story, Power 1, A Sunday Affair, Omo Ghetto: The Saga, The Bling Lagosians, Catch.er, Zero Hour, The First lady, Lagos Cougar, an Weekend Getaway. Insaid plenti of dis fim-dem, Ekubo dey akt as fain boi or as pesin wey dey mek pipul laff. Di kain tin wey e dey du for fim as e dey sho sey e fonn, dey put emoshon for fim mek pipul dey praiz am wel wel. Ekubo don akt insaid Nollywood fim-dem wey don pass 100 an e don wok wit plenti Nollywood fim-meka.

Hau im tell elp pipul

A-pat for di entatemet fim indostri wey e dey akt insaid, Pipul sabi Ekubo wel wel as pesin wey dey elp pipul an wey laik to sopot yong yong pipul. E dey join for kampain wey konsain hau to elp pipul wey dey hapun for Naija an West Afrika. For 2020, Sapio Klub SDG ( Sustainable Goals Development) giv am satifiket of excellence for di tin wey e don du to sopot entatemet an hau e tek elp pipul for Afrika. For 2021, Nigerian Nashonal Awod giv as di Global Sosha Givin Aktor of di yie. For 2023, Ekubo kolet di Rotary Youth Ambasedor of di Yie onda Rotary Intanashonal District 9142

Im pasona laif

Pipul sabi Ekubo as pesin wey sabi diress wel wel as e nem dey ol-weis de di list of pipul wey sabi diress akros Afrika. Ekubo laik to de lo-ki an laik to yuz im sosha midia to elp yong pipul an tok wey dey go on for sosa-e-ti.

Hau im tek kpai

Na kidni kansa kpai Ekubo . E kpai on 11 May 2026 for one hospitu wey de Legos Stet wen e bi 40 yies old.