Abisoye Ajayi-Akinfolarin

Abisoye Ajayi-Akinfolarin (wey dem bon for 19 May 1985) na soshial impat bizneswuman and human development sabi-wuman. Shi bi Faunda and CEO of Pearls Africa Youth Foundation, one non-profit oganaizeshon wey dey tich yong gels and wumen for pwo arias haw to sabi teknoloji and get mentos, so dem fit get ekonomik fridom.

For November 2018, CNN nem ha among di top ten CNN Heroes. Dat sem mont, BBC put ha nem for 100 Women in Tech list.

Abisoye na shap profeshonal wey get espiriens for Information Technology, Computer Programming, Data Analysis, and shi dey sirios abaut chenjin pipul laif.

Hau shi tek stat laif and go skul

Dem bon ha for Akure, for Ondo State, for Naija, into di famili of let Chief James Olaniyi Ajayi and Christina Titilayo Ajayi.

Shi go Nigerian Institute of Information Technology (NIIT).

Shi leta atend University of Lagos wia shi get degree for Business Administration (wey mix teknoloji, timwok, and problem-solving).

Shi be Mason Fellow and get Mid-Career Masters of Public Administration from Harvard Kennedy School.

Shi also bi Adrian Cheng Fellow, fellowship for pipul wey dey solve soshial problems wit niu ways.

Tori abaut ha wok

Abisoye stat ha wok laif for EDP Audit and Security Associates as trainee consultant. Afta 3 yias, shi bikom full-time Associate Consultant and Data Analyst for 5 yias.

For 2012, shi faund Pearls Africa Youth Foundation, NGO wey dey help yong gels and wumen develop tek skils.

Dem get difrent programs laik: GirlsCoding, G.C Mentors, GirlsInSTEM, and Empowered Hands.

Sins 2012, dem don tren ova 10,000 yong wumen hau to code.

Awod wey shi get

• CNN Heroes Honoree, 2018
• BBC 100 Women, 2018
• ONE’s Women of the Year Award, 2018